«Հայկական» հարցեր` Ուրասից Աթալային

Խաղաղություն և ժողովրդավարություն կուսակցության ներկայացուցիչ Ուֆուք Ուրասը Թուրքիայի Ազգային մեծ ժողովի օրակարգ բերեց այն հարցը, թե ինչու մինչ օրս պատասխան չի տրվել Թուրքիայի հայոց 84-րդ պատրիարք Մեսրոպ Երկրորդի` պաշտոնական պարտականություններն իրականացնել չկարողանալու չափ հիվանդ լինելու պատճառով նոր պատրիարք ընտրելու համար դիմած Թուրքիայի հայերին:

Ուրասը, Ներքին գործերի նախարար Բեշիր Աթալայի կողմից պատասխան ստանալու ակնկալիքով, Թուրքիայի Ազգային մեծ ժողովի նախագահությանը արած հարցապնդման մեջ հետևյալ հարցն է տալիս. «Արդյոք երկրի շահերի՞ց է բխում, որ Թուրքիայի հայերն առանց պատրիարք մնան»:

Ուրասը նաև հետևյալն  ասաց իր հարցապնդման մեջ. «Թուրքիայի հայոց 84-րդ պատրիարք Մեսրոպ Երկրորդի` պաշտոնական պարտականություններն իրականացնել չկարողանալու չափ հիվանդ լինելու պատճառով 14.01.2010 ամսաթվին արված պատրիարք ընտրելու դիմումին ինչու՞ մինչ օրս պատասխան չի տրվել: Ի՞նչ նպատակի են հետամուտ` «պատրիարքի գլխավոր տեղապահ» հաստատության կազմավորմամբ: Ինչու՞ են հրաժարվում Հայոց պատրիարքի ընտրության ընթացակարգից»:

Մերիչ Թաֆոլար

milliyet.com.tr
23.07.2010