Տրապիզոնում գտնվող Սյումելա վանքում և Վանում գտնվող Աղթամարի եկեղեցում նախատեսվող պատարագների համար ոստիկանությունն ու ժանդարմերիան ակտիվացրեցին իրենց աշխատանքները:
Թուրքիայի Մշակույթի և զբոսաշրջության նախարարությունը, անցած շաբաթ Ներքին գործերի նախարարության միջոցով ժանդարմերիային ու ոստիկանությանը մի գրություն հղելով և հիշեցնելով, որ Ստամբուլի Ֆեների հունաց պատրիարքարանը օգոստոսի 15-ին Սյումելա վանքում, Թուրքիայի հայոց պատրիարքարանն էլ` սեպտեմբերի 12-ին Աղթամար կղզում ցանկանում են կրոնական արարողություն կազմակերպել, նաև հետևյալն է նշել իր գրության մեջ. «Քանի որ Վանում նախատեսվող պատարագի ամսաթիվը համընկնում է սեպտեմբերի 12-ի հանրաքվեի հետ, պատրիարքարանի հետ իրականացված բանակցությունների արդյունքում համաձայնություն ձեռք բերվեց պատարագը մատուցել սեպտեմբերի 19-ին»: Նախարարությունը խնդրեց, որ ժանդարմերիան և ոստիկանությունը համակարգեն իրենց աշխատանքները` քաղաք այցելողների անվտանգությունն ապահովելու ուղղությամբ: Այն այցելուների համար, ովքեր գնալու են Տրապիզոն ու Վան, իրագործվելու է եռաստիճան անվտանգության ծրագիր: Ինչպես որ դա իրականացվեց նաև ֆուտբոլային հանդիպման ժամանակ, այցելուները, ինչպես հարկն է, պաշտպանվելու են ոստիկանության և ժանդարմերիայի կողմից` պատարագից առաջ, ընթացքում և հետո:
Սոներ Գյուրել
Հյուրիեթ, 13.07.2010
Leave a Reply