Ներքին գործերի նախարարությունը նահանգապետերին հարցրեց Հայաստանի հետ սահմանին առնչվող նախապատրաստական աշխատանքների մասին

Թուրքիայի Ներքին գործերի նախարարությունը Կարսի և Իգդիրի նահանգապետարաններին հղած իր գրության մեջ հարցրեց, թե Թուրքիայի և Հայաստանի միջև գտնվող սահմանի բացման դեպքում որքան ժամանակում կավարտվեն նախապատրաստական աշխատանքները:

Թուրքիայի Ներքին գործերի նախարարությունը Կարսի և Իգդիրի նահանգապետարաններին հղած իր գրության մեջ հարցրեց, թե Թուրքիայի և Հայաստանի միջև գտնվող սահմանի բացման դեպքում որքան ժամանակում կավարտվեն նախապատրաստական աշխատանքները: Նահանգապետարաններն էլ, որոնք սահմանի բացման հավանականության պատճառով արագացրել են այդ ուղղությամբ աշխատանքները,  անհրաժեշտ աշխատանքները ճշտելուց հետո գործի անցան` նախարարությանը  իրազեկելու համար:

Խնդրի առնչությամբ պարզաբանումներով հանդես եկած Կարսի նահանգապետ Ահմեդ Քարան ասաց. «Գոյություն ունի Թուրքիայի Արտգործնախարարության և Հայաստանի Արտգործնախարարության միջև Շվեյցարիայում կնքված պայմանագիրը: Տվյալ պայմանագրերը խորհրդարանների կողմից հաստատվելու դեպքում վավերական կդառնան: Սակայն դրանք դեռևս չեն վավերացվել խորհրդարանների կողմից, և անհայտ է, թե երբ կհաստատվեն: Բայց և այնպես, այդ սահմանների բացման հավանականության պատճառով հարցում է արվել Կարսի և Իգդիրի նահանգապետարաններին, թե սահմանների բացման դեպքում արդյոք պատրաստ են սահմանադռները, հաղորդակցման ուղիների բացման դեպքում էլ որքան ժամանակ կպահանջվի դրանք պատրաստի վիճակի բերելու համար»:

Նահանգապետ Քարան հայտնելով, որ նահանգապետարանը պատասխան է տալու կատարվելիք աշխատանքներից անմիջապես հետո, նաև նշեց. «Անշուշտ այս հարցում պետք է սիրաշահել նաև ադրբեջանցիներին, քանզի մինչ այդ կատարված բանակցություններում դրված էր նաև Հայաստանի գրաված ադրբեջանական հողերից հայերի դուրս գալու նախապայմանը: Այդ պատճառով էլ մենք գտնվում ենք նման պայմանագրի նախօրյակին: Եթե սահմանները բացվեն այդ պայմաններով, արտակարգ ուրախություն կապրենք»:

Նահանգապետ Քարան, ուշադրություն հրավիրելով այն բանի վրա, որ որպես Կարսի նահանգապետ՝ իրեն հղած գրության մեջ իր կարծիքն են հարցրել Կարսի Աքյաքա գավառում գտնվող Դողուքափը սահամանդռան մասին, այսինքն` Դողուքափըն վերստին օրակարգային հարց է դարձել, նաև հետևյալն արձանագրեց. «Ենթադրում եմ, որ այս խնդիրը քննարկվել է երկու երկրների խորհրդարաններում: Այս պահին Դողուքափըում այդ ուղղությամբ որևէ աշխատանք չի իրականացվում: Եթե Թուրքիան ու Հայաստանը իրար մեջ պայմանավորվեն, և սահմանադուռը բացվի, Դողուքափըն մեկ ամսվա աշխատանքներից հետո արդեն կարող է պատրաստ լինել: Ցամաքային և երկաթուղային ճանապարհները միայն բարիկադներով են փակված: Սահմանի բացման դեպքում մեր կողմում գտնվող ճանապարհները ոչ մի խնդիր չունեն, և փոխադրումն էլ վերին աստիճանի հարմար վիճակում է գտնվում»:

Կարսի նահանգապետ Ահմեդ Քարան նշելով նաև, թե երկաթուղային ճանապարհը նույնպես պատրաստ վիճակում է գտնվում, հայտնեց. «Որքանով որ տեղյակ ենք, Հայաստանի կողմից ճանապարհների վիճակը բավականին վատ է` մեր կողմում գտնվող ուղիների համեմատ: Նահանգապետարանը իր պատասխանը կհաղորդի այս շաբաթվա մեջ: Կազմելու ենք մի տեխնիկական խումբ, որը գնալու է այնտեղ` աշխատելու և նախահաշիվ կազմելու»:

Ջիհան գործակալություն, 05.07.2010