Ըստ Փոքրամասնության իրավունքների խմբի` «Վերելք է ապրում կրոնական ազգայնամոլությունը»

Փոքրամասնության իրավունքների խմբի (Minority Rights Group)` տարեկան զեկույցում ընդգծվում է, որ վերելք է ապրել կրոնական ազգայնամոլությունը, և որ կրոնական անհանդուրժողականությունը աշխարհում փոքրամասնություններին ուղղված բռնությունների հիմնական պատճառն է:

Տարեկան զեկույցում նշվում է կրոնական ազգայնականության վերելքի, կրոնական փոքրամասնությունների տնտեսապես մարգինալացման, ահաբեկչության դեմ պայքարի օրենքների չարաշահման և կրոնական փոքրամասնությունների հանդեպ բռնությունների ավելացման միտումի մասին:

Խմբի տնօրեն Մարկ Լատտիմերն արձանագրեց, որ կրոնական անհանդուրժողականությունը մի նոր ցեղապաշտություն է, և որ տարիներ շարունակ ռասայական խտրականության ենթարկված բազմաթիվ համայնքներ հիմա էլ թիրախ են դառնում իրենց կրոնական դավանանքների պատճառով:

Զեկույցում նշվում է նաև, որ Իրաքում սպանության, առևանգման և բռնաբարության նման բռնարարքների են ենթակվում այնպիսի կրոնական փոքրամասնություններ, ինչպիսիք են քրիստոնյաները, սաբիիները, եզդիները, բահաիները:

Զեկույցում արձանագրվել է նաև, որ կրոնական փոքրամասնությունները կրոնի մասին փաստաթղթերի գրացման հարցում ևս հանդիպում են տեղական օրենքների արգելքներին: Նշվել է նաև, որ Եգիպտոսում եթե բահաիները չցանկանան լռել իրենց կրոնական պատկանելության մասին, չեն կարող անձը հաստատող փաստաթուղթ ստանալ և օգտվել բազմաթիվ սոցիալական ծառայություններից:

haber10.com