Էսքիշեհիրի Սիվրիհիսար գավառում գտնվող պատմական հարստությունները վեր հանելով` զբոսաշրջությանը նպաստելու ուղղությամբ կատարվող աշխատանքների շրջանակներում շարունակվում են Սուրբ Երրորդություն հայկական եկեղեցու վերականգնողական աշխատանքները:
Նախատեսվում է, որ ճարտարապետ Սելահաթթին Ալթունըշըքի ղեկավարած խմբի կողմից հունիսի 15-ին սկսված վերականգնողական աշխատանքներն ավարտին կհասցվեն 2011 թ.: Ալթունըշըքը հայտնելով, որ վերականգնվել են Թուրքիայի` ուշ շրջանի բոլոր եկեղեցիները, նշեց նաև, թե Սուրբ Երրորդություն եկեղեցին կրում է 1881 թ. ժողովրդից հավաքված գումարով կառուցված առաջին եկեղեցու առանձնահատկությունը:
Սելահաթթին Ալթունըշըքն ասաց, թե Սուրբ Երրորդությունը Թուրքիայի երկրորդ ամենամեծ հայկական եկեղեցին է, իսկ աշխարհում՝ ութերորդը:
Դողան գործակալություն, 06.07.2010
Leave a Reply