Հայ քաղաքացիները հետևյալ կերպ վերադարձան Էրեղլի

Մոտ 50 տարի առաջ Էրեղլիից Ստամբուլ գաղթած հայ քաղաքացիների մոտավորապես 30 հոգանոց մի խումբ քաղաքապետարանի հրավերով վերադարձավ իր ծննդավայրը:

Էրեղլիի գնացքի կայարանում համերկրացիները ծաղիկներով դիմավորեցին Քոնիայի Էրեղլի գավառի քաղաքապետ Հյուսեին Օփրուքչուի հրավերով Սպիտակ կեռասի 10-րդ փառատոնի շրջանակներում գավառ եկած հայկական ծագումով 30 էրեղլիցիներին, որոնք բնակվում են Ստամբուլում: Հանդիպման ժամանակ հայկական արմատներ ունեցող քաղաքացիները մեծ հուզմունք ապրեցին:

Այստեղ ողջ խմբի անունից ելույթ ունեցած Հակոբ Մըհչըն հայտնեց, որ մեծ երջանկություն են ապրում, որ կրկին եկել են իրենց ծնված-մեծացած հողերը:

Մըհչըն նշելով, որ իրենք շատ են սիրում Էրեղլին, երբեմն այցի են գալիս այստեղ, սակայն առաջին անգամ է, որ նման մեծ բազմության հետ են գտնվում Էրեղլիում, նաև հետևյալն ասաց այդ կապակցությամբ. «Կնոջս, քրոջս, դստերս, փեսայիս, թոռներիս և ընկերներիս հետ միասին եկանք Էրեղլի, որի հանդեպ կարոտը միշտ կրում ենք մեր սրտերում: Մեզ դիմավորեցին ծաղիկներով. անչափ հուզվեցինք: Մեր հանդեպ այդ վերաբերմունքը երջանկացրեց:

 Հակոբ Մըհչըի որդին` Մուրադ Մըհչըն, հայտնելով, որ ինքը գրանցված է Էրեղլիում, ասաց. «Ես երկրորդ անգամ եմ գալիս Էրեղլի և խիստ հուզված եմ»:

Իսկ ծնունդով էրեղլիցի Սահրա Դեյիրմենջին, իր անձը հաստատող փաստաթուղթը ցույց տալով, նշեց. «Ես հպարտանում եմ, որ էրեղլիցի եմ»:

Ինչու՞ էին գաղթել Ստամբուլ

Քաղաքապետարանի իրավասուները հայտնեցին, որ Էրեղլիում բնակվող հայ ընտանիքները 1960-ական թվականներին, թեև որևէ ճնշումների չէին ենթարկվում, սակայն երբ այստեղ սպասարկող վերջին հայ կրոնավորը մահացավ, գաղթեցին Ստամբուլ, քանի որ չէին կարողանում հոգևորական գտնել կրոնական այնպիսի արարողությունների համար, ինչպիսիք են երեխաների մկրտությունները և մահացածների համար կատարվող արարողությունները: Իրավասուները նաև հավելեցին, որ հայկական արմատներ ունեցող էրեղլիցիները ներկայում գտնվում են Ֆրանսիայում, Կանադայում և Շվեյցարիայում, և որ այս պահի դրությամբ ենթադրաբար Ստամբուլում են ապրում մոտավորապես 300 էրեղլիցի հայ քաղաքացիներ:

www.cnnturk.com

0 3.07.2010