Թուրքիայի Հայոց պատրիարքարանի Հոգևոր գլխավոր խորհուրդը երեկ կայացած ընտրություններում որպես հայոց պատրիարքի տեղապահ ընտրեց Հոգևոր խորհրդի նախագահ, արքեպիսկոպոս Արամ Աթեշյանին:
Երեքշաբթի օրը Ներքին գործերի նախարարության կողմից Հայոց պատրիարքարանին արված այն նախազգուշացումից հետո, թե «Քանի դեռ Մեսրոպ Երկրորդը ողջ է, կարող է ընտրվել ոչ թե «համապատրիարք» կամ «պատրիարք», այլ միայն «պատրիարքի տեղապահ», անցած օրը գումարվեց Հոգևոր խորհրդի նիստ: 26 հոգուց բաղկացած խորհուրդը «հայոց պատրիարքի տեղապահ» ընտրեց Աթեշյանին, որը երկար ժամանակ ղեկավարում է հայկական համայնքը` որպես Հոգևոր խորհրդի նախագահ: «Հայոց պատրիարքի տեղապահ» կոչումը ստացած և երդվելուց անմիջապես հետո իր պարտականություններին անցած Աթեշյանն իրավունք ստացավ «կրոնավորի զգեստ կրել նաև պաշտամունքի վայրերից դուրս գտնվող տարածքներում»: Աթեշյանի ընտրվելը, որը կարող է կրել նաև պատրիարքական գավազան, հաղորդվեց նաև Ամենայն հայոց կաթողիկոսին, Կիլիկիայի կաթողիկոսին ու Երուսաղեմի պատրիարքին: Թուրքիայի հայոց 84-րդ պատրիարք Մեսրոպ Մութաֆյանը (54 տարեկան) հիվանդության պատճառով չէր կարողանում կատարել իր պաշտոնական պարտականությունները: Մութաֆյանը գտնվում է պատրիարքարանի շենքի հատուկ հարկաբաժնում ` մոր խնամքի տակ:
Օքան Քոնուրալփ
www.hurriyet.com.tr, 02.07.2010
Leave a Reply