Թուրքիայի Մարդու իրավունքների կազմակերպությունը Հայդարփաշա կայարանում, որտեղից 1915 թ. գնացքով Անատոլիա են աքսորվել 220 հայ մտավորականներ, իրականացնելու է տեղահանված հայերի հիշատակին նվիրված մի միջոցառում:
Մարդու իրավունքների կազմակերպությունը ապրիլի 24-ին տեղահանված հայերի հիշատակին Հայդարփաշայում կազմակերպելու է ոգեկոչման արարողություն: Հայդարփաշա կայարանի մուտքի մոտ ժամը 13:30-ին իրականացվելիք հիշատակի արարողության մասին հաղորդագրության մեջ նշվում է, որ 1915 թ. ապրիլի 24-ին ձերբակալվել են հայկական համայնքի ներկայացուցիչ 220 առաջավոր մտավորականներ և Հայդարփաշա կայարանից աքսորվել դեպի Անատոլիայի խորքերը: Ըստ հաղորդագրության տեքստի` նրանցից շատ քչերն են այդ ուղևորությունից հետո ողջ մնացել:
ԱՅԼԵՎՍ ԵՐԲԵՔ
Հաղորդագրության մեջ ասվում է հետևյալը. «95-րդ տարելիցին ապրիլքսանչորսյան զոհերին հիշելու և ԱՅԼԵՎՍ ԵՐԲԵՔ ասելու համար 2010 թ. ապրիլի 24-ին` շաբաթ օրը, Հայդարփաշա կայարանի մուտքի մոտ կազմակերպվելիք հիշատակի հավաքին ենք հրավիրում բոլոր նրանց, ովքեր իրենց սրտում զգում են 1915 թ. ամոթը»:
http://www.haberturk.com, 21.04.2010, Թյուլայ Շուբաթլը
Leave a Reply