Ծրագրվում է Հայոց պատրիարքարանին պատկանող Երկրորդ Որդվոց որոտման եկեղեցու վերականգնումը և օգտագործումը` միաժամանակ որպես պաշտամունքի վայր, ժողովասրահ, պատկերասրահ և համերգասրահ: Հայոց պատրիարքարանի դիմաց գտնվող Երկրորդ Որդվոց որոտման եկեղեցին Առաջին համաշխարհային պատերազմից մինչ օրս գտնվում է ավերակ վիճակում: 2010թ. գործակալությունը գործի է անցել` 19-րդ դարի կեսերին արքունի ճարտարապետ Գրիգոր Բալյանի կողմից կառուցված եկեղեցին բազմազան նպատակներով օգտագործվող մի կառույցի վերածելու ուղղությամբ: Նախագծի շրջանակներում նախատեսվում է եկեղեցու վերանորոգումը և վերածումը պաշտամունքի վայրի, ժողովասրահի, պատկերասրահի և համերգասրահի: Եթե նախագիծը կյանքի կոչվի, ապա այն առաջինը կլինի կրոնների պատմության մեջ: Ձևափոխման ընթացքում կառույցի ճարտարապետական առանձնահատկությունները զարգացնելու նպատակով նախագծին ամբողջական մոտեցում է ցուցաբերվում. վերականգնողական աշխատանքներին կարող են մասնակցել ճարտարապետներ և արվեստագետներ:
Սուլթան Մեհմեդ Ֆաթիհի նվերը
Պատրիարքարանի իրավասուները հետևյալ տեղեկությունները տվեցին եկեղեցու վերաբերյալ. ՙԱյս եկեղեցին մեզ նվիրել է սուլթան Մեհմեդ Ֆաթիհը` Ստամբուլը գրավելուց հետո: Այն իրականում ավելի շուտ վանք է և եկեղեցական համալիր: Ներկայում օգտագործվում է միայն մուտքի մոտ գտնվող եկեղեցին: Իսկ Որդվոց որոտման եկեղեցին Առաջին համաշխարհային պատերազմից մինչ օրս չի օգտագործվում՚:
ՙԱքշամ՚ օրաթերթ, aksam.com.tr/2, 18.04.2010, Բյուլենթ Շանլըքան
Leave a Reply