Վերականգնվում են հայկական կաթոլիկ և բողոքական համայնքների եկեղեցիները

 ՙԱնադոլու՚ լրատվական գործակալության տեղեկացնում է, որ Դիարբեքիրի վաքըֆների շրջանային վարչությունը, ի թիվս այլ պատմական հուշարձանների, վերականգնում է նաև հայկական կաթոլիկ ու բողոքական համայնքներին պատկանող եկեղեցիները: Դիարբեքիրում վերջին երկու տարվա ընթացքում վերականգնվել է 30 պատմական հուշարձան:

Դիարբեքիրի վաքըֆների շրջանային վարչության պետ Յաքուփ Աքթյուրքը ՙԱնադոլու՚ գործակալության թղթակցին տված հարցազրույցում ասել է. “Այս տարի Դիարբեքիրի Ուլու մզկիթի գլխավորությամբ վերանորոգվելու է 11 հուշարձան: Էղիլ գավառում է գտնվում հրեշտակների դամբարանը: Բացի այդ` մեր իրավասության տակ գտնվող տարածքում ավարտին է մոտենում 19-րդ դարին պատկանող հայկական կաթոլիկ և բողոքական համայնքներին պատկանող եկեղեցիների վերանորոգումը, որոնք վատ վիճակում էին: Դրանք վերանորոգվեցին` իրենց նախկին տեսքին համապատասխան: Եկեղեցիները վերածում ենք կենդանի տարածքների: Այն եկեղեցիները, որոնց վերանորոգումն ավարտվել է, լավագույն տեսքով հանձնում ենք հասարակության շահագործմանը` տեղական ու նահանգային իշխանությունների հետ խորհրդակցելուց հետո”:

Ծանոթություն: Սուր գավառում գտնվող հայկական կաթոլիկ եկեղեցին ենթադրաբար պատկանում է 16-րդ կամ 17-րդ դարերին:

 ՙԱնադոլու՚ լրատվական գործակալություն

http://www.emlakkulisi.com/29723_ermeni_katolik_ile_protestan_cemaati_kiliseleri_restore_ediliyr