Գյուղական տուն-հավաքատեղի` հայկական գերեզմանոցում

Վանի Բահչեսարայ գավառի Յայլաքոնաք գյուղում գտնվող հայկական գերեզմանոցում շինարարական աշխատանքներ են կատարվել:

Նախկինում Թերեմաղ կոչվող գյուղում գյուղապետ Մյունիր Հաթիմի կատարած շինարարական աշխատանքները դադարեցնելու համար տեղի գյուղացիները դիմել են Մշակույթի և զբոսաշրջության ու Թանգարանային տնօրինություններին: Վանից ընտրված պատգամավոր Ֆաթմա Քուրթուլանն էլ այս խնդրի կապակցությամբ գրավոր առաջարկություն է ներկայացրել Թուրքիայի Ազգային մեծ ժողով: Գյուղացիները պնդելով, թե կայմակամ (գավառապետ) Մեհմեդ Յուզերը, սույն հարցի մասին տեղյակ լինելով հանդերձ, չի միջամտում, ի վերջո դիմել են նաև Մարդու իրավունքների կազմակերպության Վանի մասնաճյուղին:

Գյուղացիների անունից մեկնաբանություններով հանդես եկած Համիդ Քարջըն ասաց հետևյալը. «Մարդկային ոսկորները և գերեզմանաքարերը գտնվում են ցաքուցրիվ վիճակում: Ես խոսքս ուղղում եմ մարդու իրավունքների պաշտպաններին. կատարվածը դեմ է իրավունքին և մարդկությանը»:

ՙԹարաֆ՚ օրաթերթ, 10.04.2010, Սելիմ Քեմալօղլու