Գյումյուշհանեում ժայռ-եկեղեցի է հայտնաբերվել

Քարհանքում կատարվող աշխատանքները դադարեցվել են, որպեսզի եկեղեցին չվնասվի:

Անադոլու գործակալության թղթակցի ստացած տեղեկության համաձայն` Գյումյուշհանեի քաղաքային կենտրոնին ենթակա Իքիսու գյուղում գտնվող Մաղարա Հանլարը վայրում  հայտնաբերվել է ժայռ-եկեղեցի: Տրապիզոնի Մշակույթի և բնական հարստությունների պահպանության խորհրդի տնօրինության մասնագետները շրջանում ուսումնասիրություններ են կատարել:

Ուսումնասիրությունների արդյունքում, Մշակույթի և բնական հարստությունների պահպանության թիվ 2863 օրենքի շրջանակներում, հաստատվեց ժայռ-եկեղեցու գոյությունը: Մասնագետները տեսնելով, որ ժայռ-եկեղեցու մոտակայքում գտնվող քարհանքում աշխատանքներ են կատարվում, Գյումյուշհանեի նահանգապետարանին ուղղված նամակով պահանջեցին, որ քարհանքի աշխատանքները դադարեցվեն` եկեղեցուն վնաս չպատճառելու նպատակով:

Նահանգապետարանն էլ, եկեղեցին որպես պահպանման կարոտ մշակութային հարստություն հաշվառելով, դադարեցրեց քարհանքում կատարվող աշխատանքները` Տրապիզոնի Մշակույթի և բնական հարստությունների պահպանության խորհրդի տնօրինության աշխատանքներն ավարտին հասցնելու և եկեղեցուն վնաս  չպատճառելու համար:

http://www.haberler.com/gumushane-de-kaya-kilise-bulundu-haberi/