Հայոց պատրիարքարանի խորհրդական Երվանդ Օզուզունի մեկնաբանությունները` Թուրքիայի վարչապետ Ռեջեփ Թայիփ Էրդողանի` Թուրքիայում փախստականի կարգավիճակով բնակվող հայերի մասին արած հայտարարության առնչությամբ.
ՙԱքսոր և իրենց կամքին հակառակ տնից-տեղից հեռացում՚ բառերը հայերի համար վատ խոսքեր են, որոնք իրենց հիշեցնում են տխուր անցյալը և շատ բան արտահայտում այդ համատեքստում: Հիմա այդ բառը կրկին օրակարգում է: Օրակարգում է` Թուրքիայում գտնվող Հայաստանի քաղաքացի հայերին իրենց երկիր ուղարկելու սպառնալիքով: Հայաստանի քաղաքացի հայերի արմատները գտնվում են այս հողերում: Կասկած չկա, որ այս մարդկանց պապերն ու տատերը հենց այս հողերի մարդիկ էին: Նրանց 95 տարի առաջ պոկեցին իրենց տնից-տեղից: Հիմա նրանց թոռները եթե անգամ չցանկանան, աղաչեն-պաղատեն էլ, կանգնած են այնպիսի մի տխուր սպառնալիքի առաջ, ինչպիսին էր վերջիններիս պապերի և տատերի` իրենց կամքին հակառակ հեռացումը այս հողերից:
radikal.com.tr, 19.03.2010
Leave a Reply