Թուրքիոյ վարչապետ Ռեճեփ Թայիփ Էրտողան յայտարարած է, որ «մենք միշտ եղած ենք հալածուածներու եւ վիրաւորուածներու կողքին: Մենք պաշտպանած ենք ինչպէս Վրաստանի, այնպէս ալ Տարֆուրի հալածեալները: Մեր միակ նպատակը բոլոր ժողովուրդներուն համար խաղաղութիւնն է: Եւ միշտ հանդէս պիտի գանք ի պաշտպանութիւն խաղաղութեան»:
Խօսելով Հայոց ցեղասպանութեան մասին` Էրտողան նշած է. «Թուրքը ազգութիւն է, որ իր մէջ կը կրէ Չանաքիայի (Ն.Ք. 4-րդ դարու հնդիկ քաղաքագէտ. «Ա.») գաղափարները: Մենք ազատասէր ազգ ենք եւ երբեք չենք ընդունիր հարկադրանքը: Ինչպէս մեր բանակի քաջագործութիւնները չեն խառնուած պատմութեան, այնպէս ալ իմ երկրին պատմութիւնը երբեք չի տեղաւորուիր միւս երկիրներու խորհրդարաններուն մէջ: Իմ երկրիս պատմութիւնը մաքուր է, փառաւոր, առասպելական եւ լուսաւոր, եւ ոչ ոք կրնայ զայն սեւցնել»:
Leave a Reply