Դորթյոլ

Դորթյոլ, Դյորդյոլ, Դորտյոլ, Չորք Մարզպա, Չորք–Մարզպան, Չորք-Մարզպանք, Չորք–Մարզվան, Չորք-Մարզվանք, Տյորթյոլ Ումրանիե — Գյուղ, ավան, գյուղաքաղաք, քաղաք Կիլիկիայում` Ադանայի նահանգում, Սև լեռների փեշերին, Մարաշ քաղաքքից հարավարևելք:

20-րդ դ. սկզբներին Հայաբնակ, մարդաշատ բնակավայր էր: 1908-ին ուներ 8000, իսկ Առաջին համաշխարհային պատերազմի նախօրեին՝ 12300 հայ բնակիչ: Շրջապատված Էր նարինջի պարտեզներով: Բնակիչները զբազվում էին արհեստներով, առևտրով, մերձարևադարձային կուլտուրաների մշակությամբ:

Ուներ եկեղեցի, ուսումնարան: Դորթյոյլի հայերը երկու անգամ` 1895 և 1909 թթ. ջարդերի ժամանակ հերոսաբար պաշտպանվեցին թուրքական ցեղասպաններից: Սակայն քաղաքն այնուամենայնիվ ենթարկվեց թուրքական յաթաղանի արհավիրքներին: 1

915-ին նրա բնակչության մի մասը զոհ գնաց եղեռնին, իսկ մեծ մասը տարագրվեց: 1916 թ. այստեղ գրեթե հայ չէր մնացել: Դորթյոլի ավերումն ու հայաթափումը տեղի է ունեցել գերմանացիների աչքի առաջ, նրանց թողտվությամբ: