«Սու» հեռուստաալիքը քրդերենից հետո սկսում է լուրեր հաղորդել նաև հայերենով: Թուրքիայում առաջին անգամ հայերենով հեռարձակվող հաղորդումը նվիրվեց Հրանտ Դինքին և նրա ընտանիքին: «Սու» հեռուստաալիքի գլխավոր տնօրեն Մեհմեդ Դեմիրը նշեց, որ թեև Եվրոպայում և ԱՄՆ-ում բնակվում են միլիոնավոր հայեր, սակայն չկա տվյալ լեզվով հաղորդումներ հեռարձակող հեռուստատեսություն:
Դեմիրը նաև արձանագրեց, որ հայերենով հեռարձակվող այս հաղորդումն առաջինն է ոչ միայն Թուրքիայում, այլև ողջ Եվրոպայում ու ԱՄՆ-ում: Լուրերի համակարգող Ջաֆեր Սոլգունը շեշտեց, որ հայերի թիվն ավելի շատ է հայերեն իմացողների թվից և հայտնեց. «Ցանկանում ենք մեր հայ քաղաքացիներին ծանոթացնել իրենց լեզվի հետ»: «Սու» հեռուստաալիքը 2009 թ. դեկտեմբերի 28-ից սկսած ամեն օր ժամը 20:00-ին հայերենով հեռարձակելու է մեկ ժամանոց լրատվական հաղորդում:
Leave a Reply