Վանում վերանորոգվում է ևս երկու եկեղեցի

Վանում, Աղթամար կղզու եկեղեցուց հետո, նահանգապետության կողմից պատրաստված նախագծի համաձայն, վերականգնվելու է ևս երկու հայկական եկեղեցի, որոնցից մեկը գտնվում է Չարփանաք կղզում, իսկ մյուսը` Յուքարըբաքրաչլը գյուղում:

Փոխնահանգապետ Հալիլ Բերքը հայտնեց, որ վերականգնման նախագիծը մշակվել է`ըստ լազերով կատարված ֆոտոգրամետրիկ չափումների: Բերքը նշելով, թե Վանա լճում գտնվող չորս կղզուց յուրաքանչյուրի վրա կա մեկական եկեղեցի, հիշեցրեց նաև, որ վերականգնվելիք Չարփանաքի և Յեդիքիլիսե եկեղեցիները տեսարժան վայրեր են, որ այցելում են զբոսաշրջիկները:

Չարփանաք կղզու վրա գտնվող եկեղեցին կառուցվել է 6-րդ դարում: 1462 թ. վերանորոգված այս եկեղեցին 1703 թ. տեղի ունեցած երկրաշարժից վնասվելուց հետո վերանորոգվել է 1712-1720 թվականներին: Իսկ Յուքարըբաքրաչլը գյուղի Վարագա վանքը յոթ առանձին եկեղեցիներից բաղկացած լինելու պատճառով հիշատակվում է նաև Յեդի Քիլիսե /Յոթ եկեղեցի/ անունով: Այս եկեղեցիներից ամենահինը Սուրբ Սոֆիա եկեղեցին է` կառուցված 8-րդ դարում:

 23.02.2010, http://www1.haberler.com/van-da-iki-kilise-daha-onariliyor-haberi/