Գազիանթեփ նահանգային կենտրոնի` Աթաթուրքի անվան բուլվարի վրա, Ուսուցիչների տան հարևանությամբ գտնվող եկեղեցին կառուցվել է 1860 թ. գազիանթեփցի կաթոլիկ հայերի կողմից` Ֆրանսիայի թագավոր Նապոլեոն 3-րդի, ֆրանսիացի միսիոներների և կաթոլիկների նյութական աջակցությամբ: Այդ եկեղեցին 1898 թ. քանդվել է, և նրա տեղում կառուցվել է այսօրվա եկեղեցին, որը սկսել է գործել 1900 թվականից: Որպես եկեղեցու նախագծի օրինակ է վերցվել Հռոմի Սրբ. Ֆրանսուա եկեղեցին: Այդ նախագիծը վավերացվել է Վատիկանում` Հռոմի պապի կողմից: Այն կառուցվել է մի ընդարձակ բակում` սև քառակուսի քարերով հիմքերի վրա, սպիտակ քառակուսի քարերից: Բացի այդ` եկեղեցու հատակը պատված է կարմիր և սպիտակ քարերով` շախմատային տախտակի ձևով:
Այս եկեղեցու պաշտամունքի վայրը, որից ներս կարելի է մտնել երեք աստիճանից բաղկացած մի սանդուղքով, ունի խաչաձև կամարներ: Նրբագեղ և երկարավուն կառույց եղող այս եկեղեցին ծածկված է շերտավոր տանիքով: Քանի որ այսօր Գազիանթեփում հայկական համայնք չի մնացել, եկեղեցին չի գործում և կողքը գտնվող Ուսուցիչների տան կողմից օգտագործվում է որպես հավաքատեղի: Այդ ընթացքում եկեղեցու գլխավոր կառույցը մի երկաթբետոնե պատով բաժանվել է երկու մասի, և եկեղեցու ինտերիերը ենթարկվել է փոփոխության:
http://team-aow.discuforum.info/t1420-Nizip-Antep-Ermeni-Katolik-Kilisesi.htm
Leave a Reply