Էլազիգի հայկական կաթոլիկ եկեղեցին

Դժբախտաբար եկեղեցու նախկին անունը չգիտեմ. հնարավոր է, որ այն կաթոլիկ կամ բողոքական եկեղեցի է, գտնվում է Էլազիգի կենտրոնում:  Պատմության մեջ հայկական (կաթոլիկ/լուսավորչական) և ասորական եկեղեցիները եղել են երկու ժողովուրդների համատեղ պաշտամունքի վայրեր: Այն աստիճան, որ երբեմն կասկածներ են առաջանում, թե որ եկեղեցին որ համայնքին է պատկանում:  Եկեղեցու նկարը տեսնելով` ասել էի, թե այն հայկական է, սակայն մեր ընկեր Փալուցին գրեց, որ այն հայ կաթոլիկ եկեղեցի է:  Ահա այն, ինչ գտել եմ… Ահա մի փաստ` առ այն, որ մի պետություն ջնջում է իր տարածքի վրա գտնվող հին մշակութային հարստությունների հետքերը:   

Ասորական եկեղեցին դառնալու է հիվանդանոց

Պարզվեց, որ Էլազիգում 19-րդ դարում կառուցված և որոշ ժամանակ էլ որպես ալյուրի գործարան օգտագործված և լքված վիճակում գտնվող ասորական եկեղեցու շենքն օգտագործվելու է որպես հիվանդանոց` առանց աղավաղելու նրա պատմական տեսքը: Նախկին ասորական եկեղեցու շենքը և շրջակա տարածքները գնած փաստաբան Սուլեյման Թյուրքերը Անատոլիա գործակալության թղթակցին տված իր հարցազրույցում նշեց, որ շենքը 1973 թ. Դիարբեքիրի Մշակութային և բնական հարստությունների պահպանման խորհրդի կողմից գրանցվել է որպես «պատմական ասորական եկեղեցի»: Թյուրքերը հայտնելով, որ շենքի գտնված վայրի 2700 քառակուսի մետրը պատկանում է քաղաքապետարանին, իսկ 3227 քառ. մետրը` մասնավոր սեփականությանը, արձանագրեց նաև, որ իր կատարած ուսումնասիրությունների ժամանակ հաստատվեց, թե  սա միակ եկեղեցին է Թուրքիայում, որը մասնավոր սեփականություն է: 

Թյուրքերը նշելով, որ շենքը և նրա 3227 քառակուսի մետրանոց տարածքը գնել է մի ընտանիքից, հայտնեց նաև, որ շենքը որպես հիվանդանոց է օգտագործվելու և ավելացրեց. «Փոփոխությունների համար այս գործը իմացող մարդիկ են անհրաժեշտ: Դրա համար պայմանավորվել ենք ճարտարապետների մի խմբի հետ: Եկեղեցին պետք է վերանորոգել երեք փուլով: Մենք մտածում ենք այն դարձնել հիվանդանոց: Նախագիծը մշակել ենք հենց այդ ուղղությամբ: Կառուցումն սկսելու ենք 2008 թ. մարտին: Ճակատային մասը պահպանելու ենք: Ներսի տարածքն օգտագործվելու է որպես հիվանդանոց: Սակայն դա բավականին մեծ ֆինանսներ է պահանջում: Այստեղի ճարտարապետությունը տարբերվում է: Աղյուսները լինելու են հատուկ պատվերով, և կառուցելու ենք պողպատե կոնստրուկցիայով: Այսպիսով` մի պատմական հուշարձան առանց քանդվելու ոտքի է կանգնեցվելու: Առանց պատմական տեսքն աղավաղելու` այն բացելու ենք որպես հիվանդանոց»:

Թյուրքերը հաղորդեց նաև, որ Դիարբեքիրի Մշակութային և բնական հարստությունների պահպանման խորհուրդը վերոհիշյալ շինությամբ հետաքրքրված էր որպես պատմական հուշարձան, իսկ սեփականության փոփոխությանը չի խառնվում:  Էլազիգում 19-րդ դարի վերջում կառուցված ասորական եկեղեցին, որն ունի քարե շարվածք, իսկ որոշ հատվածն էլ` աղյուսե և կուրդինե տանիք, որոշ ժամանակ էլ օգտագործվել է որպես ալյուրի գործարան:

http://team-aow.discuforum.info/t942-Elazig-Ermeni-Katolik-Kilisesi.htm