Տաքդեղով տոլմա` ձիթապտղի յուղով

Անհրաժեշտ պարագաները

14 կանաչ տաքդեղ, 6 գլուխ միջին չափի սոխ, 1/3 կապ մաղադանոս, 1/3 կապ սամիթ, 1 կապ դաղձ, 1 հատ միջին չափի լոլիկ, 2 ճաշի գդալ Դամասկոսի պիստակ /շամ պիստակ/, 2 ճաշի գդալ սև մանր խաղողի չամիչ, ամեն մի տաքդեղի համար 1 ճաշի գդալ բրինձ /14 ճաշի գդալ/, աղ, սև պղպեղ, հայոց չաման /քեմոն/, դարչին, 1 բաժակ ձիթապտղի յուղ, 1 բաժակ ծաղկայուղ:

Պատրաստման եղանակը

Յուղերը դնել կաթսայի մեջ: Մեջն ավելացնել քերած կամ բլենդերով մանրացված սոխերը, մի քիչ աղ ցանել և թողնել, որ եփվի մարմանդ կրակի վրա: Սոխերը ոչ մի դեպքում չպետք է տապակվեն, այլ միայն եփվեն: Եփվելուց հետո դրանց վրա ավելացնել բրինձը: Հետո հերթով ավելացնել լոլիկը, պիստակը, չամիչը, մաղադանոսը, սամիթը, դաղձը, սև պղպեղը, քեմոնը և դարչինը, խառնել փայտե գդալով, աղի քանակությունը ստուգելուց հետո ավելացնել մի բաժակ ջուր և եփել: Սակայն եփման գործընթացը պետք է հսկողության տակ առնել, որպեսզի բրինձները կիսաեփ մնան: Ապա թողնել, որ սառչի: Տաքդեղների միջուկները դատարկել ու մաքրել, ապա լցոնել և համապատասխան չափով կտրած լոլիկով փակել: Կաթսայի տակի մասում լցնել օգտագործված մաղադանոսների կոթերը, իսկ տաքդեղները դնել դրանց վրա: Վրան համապատասխան մեծության մի ամանով սեղմել, մի բաժակ ջուր լցնել, կափարիչը ծածկել և թույլ կրակի վրա եփել այնքան, մինչև որ ջուրը լրիվ քաշի:
Բարի ախորժակ: