Ծիրանով և նշով փլավ

Անհրաժեշտ պարագաները / 6 հոգու համար/

2 ջրի բաժակ բրինձ, 3 ջրի բաժակ արգանակ, 50-100 գրամ նուշ, 50-100 գրամ ծիրան, 1 ճաշի գդալ կարագ, աղ` ըստ ճաշակի:

Պատրաստման եղանակը

Բրինձը լվանալուց հետո տապակել 1 ճաշի գդալ յուղի մեջ, վրան ավելացնել 3 բաժակ արգանակ և որոշ քանակությամբ աղ: Լվացած ծիրանները բաժանել չորս մասի` ըստ երկարության, որից հետո մի առանձին ամանում որոշ քանակությամբ յուղի մեջ ու մեղմ կրակի վրա տապակել` թույլ չտալով, որ սևանան: Նույն ձևով թեթև տապակել նաև կեղևազերծված նուշը: Նշի և ծիրանների կեսը ավելացնել փլավին ջուրը քաշելու ժամանակ: Իսկ մնացածով զարդարել այն ափեսն, որով մատուցվելու է:

Երբեմն որևէ ուտեստով, երբեմն էլ տարբեր հավելումներով որպես գլխավոր ճաշատեսակ և գրեթե յուրաքանչյուր խոհանոցի անքակտելի տարրը եղող փլավը հիմնականում գլխավոր տեղ է զբաղեցնում նաև Անատոլիայում ապրող ժողովուրդների սեղանին: Փլավին հայերն էլ են «փլավ» ասում: Անատոլիայում կան նշով պատրաստվող բազմաթիվ փլավների տեսակներ, իսկ ծիրանով ու նշով փլավը կարևոր տեղ է զբաղեցնում հայերի թե’ տոնական և թե’ հարսանեկան սեղանների ամենասիրված ուտելիքների շարքում: