Թոփիկ

Անհրաժեշտ պարագաները /12 հոգու համար/

3 միջին չափի կարտոֆիլ, կես կգ սիսեռ, 2 կգ սոխ, կես կգ դահին, 4 թեյի գդալ շաքարավազ, 2 թեյի գդալ աղ, 3 թեյի գդալ դարչին, 2 թեյի գդալ սև պղպեղ, 2 թեյի գդալ յենիբահար համեմունք, 3 ճաշի գդալ տոլմայացուի պիստակ, 3 ճաշի գդալ չամիչ:

Պատրաստման եղանակը

Կարտոֆիլները կեղեևներով խաշել: Սիսեռը մեկ օր առաջ թրջել: Պատրաստելու օրը մի լավ եփել: Կլպած կարտոֆիլները ճզմել, դարձնել պյուրե: Սիսեռները նույնպես, հատ-հատ կեղևներից մաքրելով, լավ ճզմել և պյուրեի վերածել: Սոխը բարակ կտրատել և անալի խաշել: Եփած սոխը դնել քամիչի մեջ և քամել: Սոխաջուրը պահել: Կարտոֆիլի և սիսեռի պյուրեները իրար խառնել, խառնուրդին ավելացնել 2 գդալ դահին, 1 թեյի գդալ աղ և 1 գդալ սոխաջուր: Այս խառնուրդը որոշ ժամանակ մի զով տեղ թողնել հանգստանալու: Ջրաքամված սոխին փայտե գդալով խառնել դահին, մեջն ավելացնել շաքարավազ, 1 թեյի գդալ աղ, դարչին, սև պղպեղ, յենիբահար և տոլմայացուի պիստակ: Կարտոֆիլե և սիսեռե պյուրեից մի բռան մեծության գունդ վերցնելով` տեղավորել 2 մաքուր կտորի վրա: Գունդը գրտնակով բացելով` տալ ուղղանկյան տեսք: Այնուհետև կտորների միջից վերցնելով` մեջը դնել որոշ քանակությամբ սոխ և տալ կապոցի տեսք: Նույնն անել ամբողջ պյուրեի հետ և պատրաստել կապոցներ: Ապա կապոցները մի զով տեղ թողնել` հանգստանալու: Մատուցելուց առաջ վրաները ցանել դարչին:

Թոփիկը հայկական խոհանոցի ամենայուրահատուկ կերակրատեսակներից մեկն է, որն անգամ դարձել է երգերի և մանիների թեմա…

Թոփիկը պասուց և ձկնականջի տոլմաների հետ մեկտեղ պարտադիր տեղ է զբաղեցնում հայերի սեղաններին այնպիսի ավանդական տոների ժամանակ, ինչպիսիք են Սուրբ ծնունդը և Զատիկը:

http://team-aow.discuforum.info/t2426-Ermeni-Mutfag.htm