Թուրքիայում առաջին անգամ ազգությամբ հային վարչական շրջանի ղեկավար են նշանակել

Ազգությամբ հայ 27-ամյա Բերք Աջարը նշանակվել է Թուրքիայի Դենիզլի նահանգի Բաբադաղ վարչական շրջանի ղեկավար։ Տեղեկությունը հայտնում է Ermenihaber.am-ը՝ հղում անելով թուրքական «Aynahaber» լրատվամիջոցին։

Նշանակումն արվել է՝ հաշվի առնելով դեռ նախորդ տարի Աջարի հանձնած քննության և հարցազրույցի լավ արդյունքները։

«Առաջիկա օրերին սպասվում է Բերք Աջարի այցը Բաբադաղ։ Հաշված օրեր են մնացել պաշտոնի ստանձնմանը»,- գրում է լրատվամիջոցը։

Նշվում է, որ պաշտոնավարելու դեպքում Աջարը կլինի առաջին հայը, որ հանրապետական Թուրքիայի պատմության ընթացքում նման պաշտոն կզբաղեցնի ։

Բերք Աջարը ծնվել է Ստամբուլում, ավարտել Սահակյան-Նունյան դպրոցը և «Լույս» վարժարանը։ Սովորել է Բիլգի համալսարանի իրավագիտության ֆակուլտետում, աշխատել Շիշլիի փաստաբանական գրասենյակում։

https://armeniasputnik.am/20220817/turqiajum-arajin-angam-azgutjamb-hajin-varchakan-shrjani-ghekavar-en-nshanakel-46879030.html

Leave a Reply

Your email address will not be published. Required fields are marked *