Կարինում (Էրզրում) ներկայում Վանք անունով հայտնի հայկական եկեղեցին գանձագողերի թիրախում է հայտնվել (տեսանյութ)

Կարնո (թուրք․ անվանումը՝ Էրզրում) Շենքայա գավառին ենթակա Թիմուրքայա թաղամասում գտնվող Վանք եկեղեցին ենթարկվում է գանձ որոնողների ավերածություններին։ Տեղի բնակիչները պահանջում են վերականգնել տասնյակ ժայռերով շրջապատված այս եկեղեցին՝ տվյալ բնակավայրում զբոսաշրջությունը խթանելու համար։

Այդ մասին, Akunq.net-ի փոխանցմամբ, հաղորդում է թուրքական «Հյուրիեթ» պարբերականը։

Աղբյուրի համաձայն՝ սույն եկեղեցին, որի կառուցման թվականն անհայտ է, ավերակի է վերածվել անտերության մատնված լինելու պատճառով։ Եկեղեցու մեծ մասը քանդվել է գանձագողերի ավերածությունների և բնության արհավիրքների հետևանքով։

Թիմուրքըշլա թաղամասի բնակիչներից Նիհաթ Դինչը թուրքական լրատվամիջոցի թղթակցի հետ զրույցում նշել է, թե իրենք ցանկանում են, որ եկեղեցին վերանորոգվի, որի շնորհիվ տվյալ բնակավայրում կզարգանա զբոսաշրջությունը։

https://www.hurriyet.com.tr/gundem/etrafi-kaya-ici-magaralarla-dolu-vank-kilisesini-defineciler-harabeye-cevirdi-41945374

Թարգմանեց Մելինե Անումյանը

Akunq.net

 

 

 

Leave a Reply

Your email address will not be published. Required fields are marked *