Իգդիրի հայկական պատմական տները ոչնչանում են

Իգդիրում գտնվող հայկական պատմական տները վերանում են անխնամ վիճակում թողնված լինելու հետևանքով։ Այդ մասին, Akunq.net-ի փոխանցմամբ, հաղորդում են թուրքական լրատվամիջոցները։

Աղբյուրի համաձայն՝ Իգդիրի Սյողյութլյու թաղամասում 19-րդ դարում կառուցված տներն իրենց վերջին օրերն են ապրում։ Այդ պատմական կառույցներից մեկի պատուհանի վերևի հատվածում 1908 տարով թվագրված մի արձանագրություն է զետեղված։

Աղբյուրը նշում է, թե «հայկական տներ» անվան տակ հայտնի շինութունները վերածվել են աղբակույտի, իսկ տների պատերին գրություններ են արվել։

Աղբյուրը հայտնում է, որ թեև Իգդիրի Մշակույթի և զբոսաշրջության տնօրինությունը 2013 թ․ քաղաքի պատմական տները պահպանման տակ վերցնելու նպատակով 12 տուն էր գրանցել, սակայն մինչ օրս որևէ աշխատանք չի ձեռնարկել այդ ուղղությամբ։

https://www.diyadinnet.com/igdir-da-bulunan-tarihi-evler-son-demlerini-yasiyor-h91008/

Թարգմանեց Մելինե Անումյանը

Akunq.net

Leave a Reply

Your email address will not be published. Required fields are marked *