Թուրք-ադրբեջանական զորավարժությունները գնահատում ենք որպես դեէսկալացիային միտված քայլերին վնասող գործողություն․ ԱԳՆ

ՀՀ ԱԳ մամուլի քարտուղար Վահան Հունանյանը անդրադարձել է «Լաչինի շրջանում Ադրբեջանի ու Թուրքիայի համատեղ զորավարժությունների մեկնարկելու» լուրին: Այս մասին NEWS.am-ը տեղեկանում է ՀՀ ԱԳՆ-ից։

Հարց. Ադրբեջանի ՊՆ տեղեկատվություն էր տարածել, համաձայն որի՝ «Լաչինի շրջանում Ադրբեջանի ու Թուրքիայի համատեղ զորավարժություններ են մեկնարկել»: Խնդրում ենք Ձեր մեկնաբանությունն այս առնչությամբ:

Պատասխան. Թուրք-ադրբեջանական զորավարժությունների անցկացումը Հայաստանի ու Արցախի սահմանների և Լաչինի միջանցքի մերձակայքում գնահատում ենք որպես դեէսկալացիային միտված քայլերին վնասող գործողություն, որը չի համապատասխանում 2020թ․ նոյեմբերի 9-ի եռակողմ հայտարարության ոգուն և խաթարում է տարածաշրջանում տևական խաղաղություն, անվտանգություն և կայունություն հաստատելու ջանքերը։

https://news.am/arm/news/661649.html 

Leave a Reply

Your email address will not be published.