Թուրքիայի Քարաման նահանգի Սուրբ Աստվածածին հայկական եկեղեցին մինչև 1980-ական թթ․ որպես բանտ է օգտագործվել

Թուրքիայի Քարաման նահանգի Թափուջաք բնակավայրում գտնվող Սուրբ Աստվածածին հայկական եկեղեցին (Չեշմելի Քիլիսե) մինչև 1980-ական թթ․ օգտագործվել է որպես բանտ։

Այդ մասին, Akunq.net-ի փոխանցմամբ, հաղորդում են թուրքական լրատվամիջոցները։

Աղբյուրի համաձայն՝ 1980-ական թթ․ հետո Թուրքիայի Մշակույթի և զբոսաշրջության նախարարությանը հատկացված սույն կառույցը վերականգնվել է 2007 թ․։ Վերանորոգումից հետո հայկական եկեղեցին վերածվել է ցուցահանդեսների, ժողովների և այլ միջոցառումների համար նախատեսված սրահի։

Թուրքական աղբյուրը նաև հայտնում է, որ Քարամանի ամենահին բնակավայրերից մեկը եղող Թափուջաքը նախքան Առաջին աշխարհամարտը բնակեցված էր հայերով ու հույներով, և որ այստեղ դեռ հնարավոր է տեսնել հայկական և հունական տներ։

 https://www.imaret.com.tr/1980-li-yillara-kadar-cezaevi-olarak-kullanildi-iste-cesmeli-kilise-nin-tarihi/141263/

Թարգմանեց Մելինե Անումյանը

Akunq.net

 

  

Leave a Reply

Your email address will not be published. Required fields are marked *