Առտեր կղզին սպասում է բացահայտման

Վանի ամենամեծ կղզին` Առտերը, կուսական բնությամբ և ափով սպասում է բացահայտման:

Վանի նահանգապետ Մյունիր Քարալօղլուն, փեխնահանգապետ Աթայ Ուսլուն, Նահանգային հատուկ վարչության գլխավոր քարտուղարի օգնական Ռամազան Գյոքդեմիրը, Վանի «Հարյուր տարի» համալսարանի Ճարտարագիտական և ինժեներական ֆակուլտետի դասախոս-ասիստենտ, դոցենտ, դոկտոր Շեհաբեթթին Օզթուրքը այցելեցին Յայլըքայա գյուղի սահմաններում գտնվող Վանա լճի Առտեր կղզի, որտեղ բազմաթիվ թռչնատեսակներ կան:

Կղզու հարավում գտնվող մեծամասամբ ավերված Սուրբ Գևորգ եկեղեցում, Լիմ վանքում, Սուրբ Սիոն մատուռում և ժամատանը ուսումնասիրություններ կատարած Քարալօղլուն քննադատեց գանձագողերին, որոնք ավերել են վանքն ու եկեղեցին:

Նահանգապետ Քարալօղլուն շեշտելով, որ կղզու մակերեսի տեսանկյունից Առտեը Վանա լճի ամենամեծ կղզին է, ասաց, որ նպատակ ունեն եկեղեցին և վանքը վերանորոգել, կղզում և դիմացի ափին  նավամատույցներ կառուցել և կղզին բացել այցելությունների համար:

Քարալօղլուն, ուշադրություն հրավիրելով այն հանգամանքի վրա, որ Առտեր կղզին իր բնական կառուցվածքով Վանա լճի ամենագեղեցիկ կղզին է, ասաց հետևյալը. «Հետաքրքիր է, որ կղզու նկատմամբ մինչ օրս հետաքրքրություն չեն ցուցաբերել: Նավամատույցի շինարարության աշխատանքներն ավարտելուց հետո կղզին բացելու ենք տեղացի և օտարերկրյա զբոսաշրջիկների համար: Այսիպիսով` անուշադրության մատնված Առտեր կղզին դառնալու է քաղաքի ամենակարևոր արժեքներից մեկը: Բնականաբար, որպեսզի կարողանանք դրան հասնել, առաջինը գործը կղզու և ցամաքի միջև նավամատույց կառուցելն է: Այդ իսկ պատճառով աշխատանքներ են սկսվել: Աշխատանքները վերջացնելուց հետո ցամաքի և կղզու միջև ուղերթ է կազմակերպվելու, ավելի որակյալ նավեր են լինելու: Այստեղ եկած մեր հյուրերը կարող են կղզի գնալ ժամանակակից նավերով: Մեր սիրտը ցավում է, որ այսքան գեղեցիկ կղզին մնացել է ամայի»:

Առտեր կղզու պատմությունը

Իսկ Վանի «Հարյուր տարի» համալսարանի Ճարտարագիտական և ինժեներական ֆակուլտետի դասախոս-ասիստենտ, դոցենտ, դոկտոր Շեհաբեթթին Օզթուրքը, հիշեցնելով, որ Վանա լճում Աղթամարի կղզու հետ մեկտեղ կան նաև Առտեր, Կտուց և Լիմ կղզիները, ասաց. «Բացի Քուշ (Կտուց) կղզուց՝ մնացած երեքում կրոնական կառույցներ կան: Առտեր կղզու Լիմ վանքի հիմքերը գցվել են 11-րդ դարում, իսկ 1305 թ. ավելացրել են ամբողջականցնող որոշ հատվածներ: 1766 թ. կառուցվել է ժամատունը, մատուռը և վանականների խցերը: Մինչ 1918 թ. որպես եկեղեցի օգտագործված կառույցը դրանից հետո դարձել է գանձագողերի թիրախ: Հավատում եմ, որ մենք, նմանատիպ մշակութային հարստությունները պահպանելով, կապահովենք շրջանի հարստությունը»:

17.11.2010

«Միլլիյեթ»

Leave a Reply

Your email address will not be published. Required fields are marked *