Վան այցելող իրանցի զբոսաշրջիկների թիվը նվազել է

Վան քաղաք հիմնականում իրանցի զբոսաշրջիկների այցելության նվազման միտումով պայմանավորված` փոքր բիզնեսի և առևտրականների համար դժվարություններ են առաջացել:

Թուրքական մեդիայում տարածվող տեղեկությունների համաձայն՝ զբոսաշրջիկների կարճ ժամանակով այցելությունների, նրանց տրամադրվող հյուրատների և հյուրանոցների ցածր գների պատճառով տուրիզմից սպասվող եկամուտները չեն արդարացվել:

Վանի առևտրի պալատի տվյալներով՝ 2021-ին քաղաք այցելած իրանցիների թիվը կազմել է 290.000, իսկ 2023-ի առաջին 6 ամիսների ընթացքում՝ 413.000:

Սակայն ամռան ամիսներին Թուրքիա այցելությունների աճին հակառակ, գրեթե տարեվերջին Վանում հյուրընկալված զբոսաշրջիկների ընդհանուր թիվը կազմում է 600.000:

Նշվում է նաև, 2022-ի համեմատ 2023-ին զբոսաշրջիկների թվի գրեթե կրկնապատկումը քաղաքի տնտեսության մեջ շոշափելի ազդեցություն չի ունեցել:

Տուրիզմի ոլորտի մասնագետները նման իրավիճակը բացատրում են 2023-ի վերջին ամիսներին Իրանում տոների և արձակուրդների տրամադրման բաշխվածությամբ:

https://www.ermenihaber.am/am/news/2023/12/12/%D4%B9%D5%B8%D6%82%D6%80%D6%84%D5%AB%D5%A1-%D4%BB%D6%80%D5%A1%D5%B6-%D5%8E%D5%A1%D5%B6-%D4%B6%D5%A2%D5%B8%D5%BD%D5%A1%D5%B7%D6%80%D5%BB%D5%AB%D5%AF/263798