Գորշ գայլերի առաջնորդը պահանջել է փակել քրդամետ կուսակցությունը

Գորշ գայլեր ահաբեկչական կառույցի քաղաքական միավոր Ազգայնական շարժում կուսակցության ղեկավար Դևլեթ Բահչելին պահանջել է քրդական Ժողովուրդների դեմոկրատական կուսակցության` HDP-ի փակումը։

«Եթե Թուրքիան իրավական պետություն է, ուրեմն HDP-ի փակումը շտապ է, կենսական, պարտադիր։ Բացի այդ՝  չպետք է թույլ տրվի, որ ինչ–որ այլ անվանումով… դարձյալ գործունեություն ծավալի»,– նշել է Բահչելին։

Ըստ նրա՝ HDP–ն Քուրդիստանի աշխատավորական կուսակցության թևն է, որի տանիքը PKK-ում է։

Հիշեցնենք, որ ԹԱՄԺ–ում մեծությամբ երրորդ խմբակցությունն ունեցող HDP-ն ստեղծվել է 2012 թ.։ Դրա ղեկավար Սելահեթթին Դեմիրթաշը 2016 թ.-ից ձերբակալված է։

Քրդամետ կուսակցությունը հանդես է գալիս տարբեր տեսակի ազատությունների, ազգային և կրոնական փոքրամասնությունների շահերից։ HDP-ի պատգամավորներից մեկը շաբաթներ առաջ պահանջել էր Մեծամորի ատոմակայանի փակումը, իսկ մեկ այլ պատգամավոր՝ Գարո Փայլանը, օրեր առաջ դատապարտել էր հայերին՝ այսպես կոչված, «Խոջալուի ցեղասպանության համար»։

https://www.yerkir.am/news/view/231312.html