Վանի Աղթամար կղզու Սբ. Խաչ եկեղեցում պատարագ է մատուցվել

Սեպտեմբերի 8-ին Պոլսի հայոց պատրիարքարանի կողմից Վանա լճի Աղթամար կղզու Սբ. Խաչ եկեղեցում պատարագ է մատուցվել: Պատարագիչն է եղել Պոլսի Հայոց պատրիարքի տեղապահ Սահակ եպիսկոպոս Մաշալյանը։ 

Պատարագին մասնակցել են թուրք բարձրաստիճան պաշտոնյաններ, ինչպես նաև մեծ թվով զբոսաշրջիկներ ու ուխտավորներ Հայաստանից և այլ երկրներից։

Հիշեցնենք, որ Սուրբ Խաչ հայկական եկեղեցին թուրքական կառավարության ֆինանսավորմամբ վերականգնվել էր 2010 թվականին և բացվել թանգարանի կարգավիճակով: Եկեղեցու վերանորոգումից հետո հայ համայնքը տարին մեկ անգամ այնտեղ պատարագ անցկացնելու թույլտվություն է ստացել:

Ermenihaber.am