ԱՄՆ պետքարտուղար Մայք Պոմպեոն և Թուրքիայի արտգործնախարար Մևլութ Չավուշօղլուն հունիսի 4-ին տեղի ունեցած հանդիպման ժամանակ պայմանավորվածություններ են ձեռք բերել` սիրիական Մանբիջում համատեղ գործություններ իրականացնելու հետ կապված:
Այս մասին, ինչպես հաղորդում է «Արմենպրես»-ը, հայտնում է թուրքական Diken պարբերականը:
Մևլութ Չավուշօղլուի հաղորմամբ՝ hանդիպման ժամանակ, բացի Մանբիջում իրականացվելիք գործողություններից, կողմերը քննարկել են նաև ԱՄՆ-ի Փենսիլվանիա նահանգում վտարանդիության մեջ գտնվող Ֆեթուլլահ Գյուլենի Թուրքիային արտահանձնման հարցը:
Չավուշօղլուի փոխանցմամբ՝ Մանբիջում Թուրքիայի և ԱՄՆ-ի համատեղ գործողություններն իրականացվելու են 3 փուլով:
«Գործողությունների ժամանակ սկզբում քուրդ զինյալներն ամբողջովին հեռացվելու են տարածքից, հետո թուրք-ամերիկյան միացյալ զինված ուժերը քայլեր են իրականացնելու այդտեղ անվտանգության ապահովման համար, ապա իրականացվելու է Մանբիջի վերաբնակեցում»,-նշել է Թուրքիայի արտգործնախարարը:
Թուրքիայի արտաքին գործերի նախարար Մևլութ Չավուշօղլուն հունիսի 3-4-ն աշխատանքային այցով գտնվում Էր Վաշինգտոնում:
ԱՄՆ կատարած այցի շրջանակում Չավուշօղլուն Վաշինգտոնում հանդիպում է ունեցել նաև տեղի թուրքական և մուսուլմանական հասարակության, ինչպես նաև ամերիկյան գործարար և փորձագիտական շրջանակների ներկայացուցիչների հետ:
Աֆրինում իրականացված ռազմական գործողություններից հետո Թուրքիայի նախագահ Ռեջեփ Թայիփ Էրդողանն իր հայտարարություններում նշել էր, թե Սիրիայի տարածքում Աֆրինից հետո Թուրքիայի հաջորդ թիրախը Մանբիջն է:
Leave a Reply