Թրքական «Ահուալ» օրաթերթը հաղորդեց, որ թրքական ուժերը իրաքեան տարածքին մէջ 17 քիլոմեթր խորութեամբ ներթափանցած են եւ սկսած երկրին մէջ ճամբաներ ու մնայուն ռազմակայաններ կառուցել:
Օրաթերթը կը նշէ, որ թրքական բանակը անցեալ ամիս նաեւ ներթափանցած էր Սուրիոյ Աֆրին քաղաք` աւելցնելով, որ իրաքեան տեղական աղբիւրներ պնդած են, թէ Թուրքիան այդ օրէն ի վեր կը շարունակէ Իրաք սպառազինութիւն ուղարկել եւ ուժեր տեղակայել:
«Թրքական կառավարութիւնը Քրտական աշխատաւորական կուսակցութեան դէմ պայքարելու պատրուակով Իրաքի եւ Սուրիոյ մէջ իր զինուորական գործողութիւնները ընդլայնելու իր մտադրութիւնը յայտնած էր», կը գրէ թրքական օրաթերթը:
http://www.aztagdaily.com/archives/388909
Leave a Reply