Թուրքիոյ ապահովական մարմիններ գրաւած են Հայկօ Պաղտատաի անձնագիրը: Այս մասին կը յայտնէ թրքական diken.com.tr կայքը, որուն փոխանցմամբ` հայ լրագրողին անձագիրը ձեռքէն առած են, երբ վերջինս Աթէնքէն Պոլիս կը վերադառնար:
Պաղտատ կը պատմէ. «Երկու ոստիկան շրջելով իմ կողմս` ձեռքէս անձնագիրս վերցուցին: Ոստիկանները զիս չէին ճանչնար եւ մասնագիտութիւնս հարցուցին: Ես ալ ըսի, որ լրագրող եմ: Հարցուցին, թէ որ կայանին մէջ կաշխատիս, ըսի` «İMC TV»:
–Կիւլէնականներուն կայանը չէ՞ ատ:
«Ոչ քիւրտերու կայանն է, ըսի, որն աւելի վտանգաւոր է»:
Խնդալով պատասխան տուին` «Հիմա երկուքն ալ վտանգաւոր են»:
Պաղտատ շարունակելով ըսած է, թէ «Քանի որ իմ մասին ձերբակալման որոշում չկայ, անձնագիրս ձեռքէս առնելէն ետք ինձի ազատ թողեցին: Ես ալ կ’ըսեմ, որ եթէ ինձ պիտի ձերբակալրժիք, ձախակողմեան եւ յեղափոխական ըլլալուս համար, ձերբակալեցեք խնդրեմ, ի՞նչ կիւլէնական»:
Հայկօ Պաղտատ կը յայտնէ նաեւ, որ դէպքէն ետք իր հետ կապ հաստատած են մեծ թիւով երեսփոխաններ եւ կուսակցական պատասխանատուներ: Մասնաւորապէս հայ երեսփոխաններ Կարօ Փայլան եւ Սելինա Տողան ըսած են, որ խորհրդարանին մէջ պիտի բարձրացընեն այս հարցը:
Arevelk.am
Leave a Reply