Թուրքիայի ԶՈՒ ԳՇ-ն զինվորականներին կոչ է արել Դիարբեքիրից հեռացնել ընտանիքներին

Թուրքիայի ԶՈՒ գլխավոր շտաբը Դիարբեքիր նահանգում ծառայություն իրականացնող զինվորականներին կոչ է արել ընտանիքները Դիարբեքիրից հեռացնել ավելի ապահով վայրեր։

Թուրքական Sözcü-ի փոխանցմամբ՝ Թուրքիայի ԶՈՒ գլխավոր շտաբը Դիարբեքիր նահանգի Սիլվան, Հանի, Լիջե, Քուլփ եւ Դիջլե շրջաններում ծառայող բոլոր զինվորականներին գրություն է ուղարկել, որում նշվում է, որ հատուկ զինվորական ավանից դուրս ապրող ընտանիքներին անհրաժեշտ է տեղափոխել ավելի անվտանգ վայրեր։

Այս կոչը պատճառաբանվում է նրանով, որ հիշյալ շրջաններում PKK-ն (Քուրդիստանի բանվորական կուսակցություն) զինվորականների տան հասցեներ է հավաքում, եւ հնարավոր են դժբախտ դեպքեր։

http://news.am/arm/news/290085.html