Հոգեբան. Անհրաժեշտ է մեթոդ, որը սերունդներին առանց տրավմայի ենթարկելու կներակայցնի Ցեղասպանության թեման

Հայերը 100 տարի զոհի կարգավիճակում, լռության մատնելով կատարվածը, այդ ծանր բեռը տանում ու փոխանցում են իրենց սերունդներին՝ դրան հակազդելու փոխարեն։ Սա տրավմատիկ ազդեցություն է ունենում հայ ազգի վրա: Հայաստանի Հանրային ռադիոյի հաղորդմամբ՝ ասել է ԵՊՀ բժշկական հոգեբանության ամբիոնի վարիչ Խաչատուր Գասպարյանը:

Ըստ նրա՝ պետք է մտածել ու մշակել մի մեթոդ, որը սերունդներին ավելի անցավ ու առանց տրավմայի ենթարկելու կներկայացնի 1915 թվականին կատարվածը:
Երևանի պետական համալսարանը գիտության պետական կոմիտեի հետ համատեղ դեռևս անցյալ տարվանից իրականացնում է Ցեղասպանության տրավմայի միջսերնդային փոխանցման հոգեբանական հետազոտություն, որը կամփոփվի այս տարվա հունիսին:

Մինչ այդ՝ հոգեբանը ուսումնասիրել է ապագա սերունդներին հրեական Հոլոքոստի ներկայացման ձևը և խորհուրդ է տալիս անպայման փոխել Ցեղասպանության մատուցման ձևը։

http://armeniangenocide100.org/psychologist-armenian-genocide-recognition-will-have-a-positive-therapeutic-effect-on-the-armenians-and-the-turks/