Թուրքիայում նոր գիրք է լույս տեսել հայերի մասին

Թուրքիայում հրատարակվել է սասունցի Ադնան Արսլանի «Ընկուզենին» գեղարվեստական գիրքը, որում ներկայացվում է արևմտահայության, հատկապես հայ կանանց ու երեխաների ապրած դրաման:
Այդ մասին փոխանցում է Akunq.net-ը` վկայակոչելով թուրքական լրատվամիջոցները: Ըստ աղբյուրի` ծագումով բաթմանցի և սասունցի գրքի հեղինակը ստեղծագործության վերաբերյալ հայտնել է, թե իրեն ոգեշնչել է 96 տարեկան հայ Սյուլեյմանը, որն իր հետ բնակվել է նույն հայկական գյուղում:
Բաթմանի Սասուն գավառին ենթակա Թեքեվլեր գյուղից ծագող Ադնան Արսլանը նաև նշել է, որ սույն գրքի միջոցով ցանկացել է ապագա սերունդներին փոխանցել հայերի բնակավայրերի, նրանց կենսակերպի և ապրած մեծ դրամայի մասին տեղեկություններ: Հեղինակը նաև ընդգծել է, թե վեպը գրել է` իրական փաստերի և իրադարձությունների վրա հիմնվելով:
Akunq.net