Դավութօղլուի առաջարկը մերժել չէի կարող. Էթյեն Մահչուփյան

Թուրքական «Աքշամ» թերթի հոդվածագիր Էթյեն Մահչուփյանը խոսել է Թուրքիայի վարչապետ Ահմեթ Դավութօղլուի գլխավոր խորհրդականը դառնալու իր որոշման մասին և ասել, որ նման առաջարկը մերժել չէր կարող, գրում է Star թերթի կայքը:
Նա նշել է, որ վարչապետին որևէ կոնկրետ ոլորտում խորհրդատվություն չի տալու:
«Պարոն վարչապետի հետ անցյալ շաբաթ հանդիպեցինք, և ինքն ինձ նման առաջարկ արեց: Որևէ հատուկ ոլորտում խորհրդատվության մասին չենք խոսել: Հայկական հարցի մասին առհասարակ խոսք չի եղել: Որևէ կոնկրետ թեմա չենք առանձնացրել: Այսօր կարևոր չթվացող ցանկացած հարց վաղը կարող է երկրի համար կարևոր հարց դառնալ»,-ասել է Դավութօղլուի նորանշանակ խորհրդականը:
Հոկտեմբերի 25-ին հաղորդվել է, որ պոլսահայ գրող, լրագրող, հրապարակախոս Էթյեն Մահչուփյանը նշանակվել է Թուրքիայի վարչապետ Ահմեթ Դավութօղլուի գլխավոր խորհրդական։
http://www.tert.am/am/news/2014/10/27/mahchupyan-davutoglu/