Ստամբուլում հայկական հիվանդանոցի տարածքը վերածում են զբոսայգու

Ստամբուլում որոշել են հանրային զբոսայգու վերածել հայկական հիվանդանոցին պատկանող տարածքը:
Թուրքական «Յուրթ» թերթի փոխանցմամբ` Ստամբուլի Զեյթինբուրնու շրջանի ղեկավարների որոշմամբ 8660 քմ տարածքը վերածվելու է զբոսայգու, ինչին դեմ են Սուրբ Փրկիչ հայկական հիվանդանոցի հոգաբարձուները:
Աղբյուրը նշում է, որ տարածքը ֆինանսական տեսանկյունից մեծ արժեք է ներկայացնում: Հայկական հիվանդանոցը փորձելու է հետ պահել քաղաքային իշխանություններին իր տարածքն օգտագործելու մտքից:
Նշենք, որ Սուրբ Փրկիչ հայկական հիվանդանոցը համարվում է Թուրքիայի լավագույն բուժհաստատություններից մեկը, որտեղ բուժում են անցնում թուրքական իշխանությունների ներկայացուցիչներ:
Աղբյուր` Թուրքագիտական պորտալ
AllTurkey.am