Թուրքիայի մեջլիսը հաստատել է Սիրիա եւ Իրաք ռազմական ներխուժման օրինագիծը

Թուրքիայի խորհրդարանում ձայների մեծամասնությամբ անցել է վարչապետ Ահմեդ Դավութօղլուի ներկայացրած Սիրիա եւ Իրաք ռազմական ներխուժման մասին օրինագիծը:
Թուրքական Akşam պարբերականի փոխանցմամբ՝ Թուրքիայի խորհրդարանում 298 պատգամավոր կողմ է քվեարկել Թուրքիայի զինված ուժերին Սիրիա եւ Իրաք ռազմական ներխուժում թույլ տալու կառավարության ներկայացրած օրինագծին: Ընդդիմադիր Ժողովրդահանրապետական եւ քրդական Ժողովուրդների դեմոկրատական կուսակցության պատգամավորները դեմ են քվեարկել օրինագծին:
Նիստից հետո լրագրողներից մեկը հարցրել է Թուրքիայի պաշտպանության նախարարին, թե որն է լինելու կառավարության հաջորդ քայլը, ինչին ի պատասխան, նախարարը նշել է, թե միանգամից քայլեր չարժե սպասել:
Նշենք, որ օրինագիծը թույլ է տալիս թուրքական զինված ուժեորին ներխուժել Իրաք եւ Սիրիա՝ այնտեղ PKK-ից, Իսլամական պետությունից եւ այլ ահաբեկչական խմբավորումներից եկող վտանգների դեպքում: Օրինագիծը նաեւ հնարավորություն է տալիս օտարեկրյա զինված ուժերին օգտագործել Թուրքիայի տարածքը Սիրիայի եւ Իրաքի դեմ գործողությունների համար:
http://news.am/arm/news/232107.html