Շարմազանովը Չեխիայում առաջարկել է քննարկել Հայոց ցեղասպանության դատապարտման հարցը

Պաշտոնական այցով Չեխիայի Հանրապետությունում գտնվող ՀՀ Ազգային ժողովի փոխնախագահ Էդուարդ Շարմազանովի գլխավորած պատվիրակությունը սեպտեմբերի 26-ին հանդիպում է ունեցել Չեխիայի սենատի նախագահ Միլան Շտեխի հետ:
ԱԺ տեղեկատվության վարչության փոխանցմամբ, Շարմազանովը Միլան Շտեխին առաջարկել է Չեխիայի խորհրդարանում քննարկել Հայոց ցեղասպանության դատապարտման հարցը: Նա Չեխիայի Սենատի նախագահին հրավիրել է մասնակցելու ապրիլի 22-23-ը Երևանում անցկացվելիք «Ընդդեմ ցեղասպանության հանցագործության» խորագրով համաշխարհային համաժողովին:
Հանդիպմանը կողմերն անդրադարձել են նաև ԼՂ հակամարտությանը՝ նշելով, որ հիմնախնդրի բացառապես խաղաղ կարգավորման կողմնակից են:
http://www.azatutyun.am/archive/news/20140926/2031/2031.html?id=26608173