Քանատայի մէջ մեկնարկեցին Հայոց Ցեղասպանութեան 100ամեակին նուիրուած ձեռնարկները

Քանատայի Մոնթրէալ քաղաքի «Մըքկիլ» համալսարանի Փոլաքի անուան հռչակաւոր համերգասրահին մէջ շաբաթ, սեպտեմբեր 13ին կայացաւ հանրայայտ «Մոլինարի» քառեակի համերգը, որ հանդիսացաւ Հայոց Ցեղասպանութեան 100ամեակի ոգեկոչման մեկնարկի ձեռնարկը Քանատայի մէջ:
Բացման խօսքով հանդէս եկաւ Քանատայի մօտ ՀՀ դեսպան Արմէն Եգանեան, որ մատնանշեց Հայոց Ցեղասպանութեան միջազգային ճանաչման կարեւորութիւնը՝ իբրեւ մարդկութեան դէմ ոճիրներու կանխարգիլման անհրաժեշտ պայման:
500 հոգի կազմող բազմութիւնը ունկնդրեց Արամ Խաչատրեանի, Տիգրան Մանսուրեանի, Լեւոն Չաւուշեանի եւ Ջիւան Տէր Թադեւոսեանի ստեղծագործութիւնները:
http://asbarez.com/arm/203242/