Կվերանորոգվի Վանի հայկական եկեղեցիներից մեկը

Ներկայիս Թուրքիայի Վան նահանգի Բաշքալե շրջանի Քուրուչայ գյուղի Սուրբ Բարդուղիմեոս հայկական եկեղեցին կվերանորոգվի, այս մասին հայտնում է «Ակօս» լրատվական կայքը:
Նշվում է, որ եկեղեցին երկար տարիներ չորս կողմերից շրջափակված է եղել փշալարերերով:
Եկեղեցին 1990 թվականից ի վեր օգտագործվել է որպես ոստիկանության հատուկ ջոկատայինների զորանոց, սակայն վերջերս որոշում է կայացվել ոստիկաններին այլ զորանոց հատկացնելու և եկեղեցին վերանորորգելու մասին:
«Ակօսի» փոխանցմամբ՝ եկեղեցին կառուցվել է 13-րդ դարի վերջում կամ 14-ի սկզբում և մինչև Հայոց ցեղասպանությունը եղել է հայերի հոգևոր կյանքի կենտրոններից մեկը:
Եկեղեցին լուրջ հարված է կրել նաև 1965 թվականի երկրաշարժից:
Հավելենք նաև, որ եկեղեցու վերանորոգման որոշում կայացվել էր դեռևս 2011 թվականին, սակայն, այդպես էլ, որոշումը կենդանացնող որևէ գործնական քայլ չկատարվեց, սակայն այժմ կրկին աշխուժացել է Սուրբ Բարդուղիմեոսի վերնանորոգման հարցը:
Հեղինակ՝ Հայկ Դարբինյան
AllTurkey.am