Թուրքիայում հայ երեխաներին տեղավորել են մուսուլմանական կրոնական դպրոցներում

Թուրքիայում պետական ծրագրի շրջանակներում լիցեյներում տեղաբաշխման արդյունքները հայտարարվել էին օգոստոսի 23-ին, ինչը սակայն մի շարք անակնկալներ էր պատրաստել ուսանողների համար: Լիցեյ տեղափոխվել ցանկացող աշակերտների մի մասին մեծ հիասթափություն էր սպասվում:
Ուսանողների տեղաբաշխման պետական համակարգի ծրագրով՝ դպրոցն ավարտած աշակերտներն ավտոմատ կերպով տեղափոխվել են մուսուլմանական կրոնական դպրոցներ: Հատկանշական է, որ նրանց մեջ եղել են նաև քրիստոնյա հայ երեխաներ:
Հայ աշակերտներից մեկի հոր խոսքերով՝ նրանք անչափ զարմացած են տեղի ունեցածով: Անպայման իրենց երեխային տեղափոխելու են այդ դպրոցից, չնայած, որ տեղափոխման գործընթացը կարող է բավական երկար տևել՝ մոտ 5 շաբաթ:
Հեղինակ՝ Արթուր Դոլբակյան
AllTurkey.am