Թուրքիայի նախագահի առաջին զազա քուրդ թեկնածուն

Թուրքիայի խորհրդարանում ներկայացված Ժողովուրդների դեմոկրատական կուսակցությունը (ԺԴԿ-HDP) հրավիրել է մամուլի ասուլիս և հրապարակել առաջիկա նախագահական ընտրություններում իրենց առաջադրելիք թեկնածուի անունը:
Ըստ թուրքական «Դողան» լրատվական գործակալության` կուսակցությունը հանրապետության նախագահի պաշտոնին առաջադրում է Սելահաթթին Դեմիրթաշի թեկնածությունը, որը ԺԴԿ-ի համանախագահներից է:
Թեկնածուն իր խոսքում նշել է, որ իրենց համար գլխավորը ժողովրդավարությունն է, ազատությունը և խաղաղությունը: Հավատացրել է, որ իրենք ժողովրդի մեջ են մնալու և ժողովրդի հետ:
«Նախագահի թեկնածուների մեջ միակ թերությունը կին թեկնածուի բացակայությունն է»,- նշել է Դեմիրթաշը:
Վերջինս ծնվել է 1973 թվականին Էլազըղում (Խարբերդ-Ակունքի խմբ.): Դեմիթաշը ծագումով զազա քուրդ է: Ստացել է իրավաբանի կրթություն, ավարտել է Անկարայի համալսարանի իրավաբանական ֆակուլտետը: Աաշխատել է մարդու իրավունքների գրասենյակում, զբաղվել նաև փաստաբանությամբ: Թուրքիայի 23-րդ գումարման խորհրդարանում ընտրվել է պատգամավոր Դիարբեքիրից: Տիրապետում է թուրքերեն, զազայերեն, քրդերեն և անգլերեն լեզուներին: Ամուսնացած է, երկու զավակի հայր է:
Հիշեցնենք, որ օգոստոսի 10-ին Թուրքիայում կայանալու են նախագահական ընտրություններ: Առաջին անգամ երկրի նախագահին կընտրի ոչ թե խորհրդարանը, այլ` ժողովուրդը: Ընդդիմությունն արդեն ներկայացրել է իր միասնական թեկանծուին` Էքմելեդդին Իհսանօղլուին, որը նախկինում ղեկավարել է Իսլամական կոնֆերանս հայտնի կազմակերպությունը:
http://ermenihaber.am/?lang_id=2&news_=3&cur_news=1857