Քըզըլթեփեի Սուրբ Գևորգ եկեղեցին փլուզման վտանգի տակ է

Մարդին նահանգի Քըզըլթեփե գավառում գտնվող հայկական Սուրբ Գևորգ եկեղեցին վերջնականապես փլուզվելու վտանգի տակ է:
Այդ մասին հաղորդում է Akunq.net-ը` վկայակոչելով թուրքական լրատվամիջոցները: Աղբյուրի համաձայն` տարիներ շարունակ Մարդին նահանգի գյուղատնտեսության տնօրինության կողմից որպես թունաքիմիկատների պահեստ օգտագործված սույն եկեղեցին ներկայում գտնվում է ավերակ վիճակում: Քըզըլթեփե գավառի Թեփեբաշը թաղամասում գտնվող Սուրբ Գևորգը վերականգնման կարիք ունի: Քըզըլթեփեի քաղաքացիական հասարակական կազմակերպությունների հարթակի նախագահ Մեհմեթ Շերիֆ Օթերը, շեշտելով պատմական հուշարձաններին տեր կանգնելու անհրաժեշտության մասին, հայտնել է, թե իրենք ցանկանում են վերականգնել նաև այս հայապատկան եկեղեցին:
Akunq.net