Կեդրոնականցիները երեկ հիշել են Հակոբ Սիրունուն

Ստամբուլի Կեդրոնական վարժարանի սաները երեկ հիշել են նշանավոր հայ արձակագիր, հրապարակախոս և լեզվաբան Հակոբ Սիրունուն (1890 Ստամբուլ-1973 Բուխարեստ):
Վարժարանի ուսուցիչների և աշակերտների կողմից նախապատրաստված միջոցառման ժամանակ հատվածներ են ներկայացվել Ստամբուլում, Ռումինիայում և Սիբիրում նրա ապրած կյանքից: «Ակօս»-ի հաղորդմամբ՝ միջոցառումն անցկավել է հայերենով: Ներկայացվել են 20-րդ դարի արևմտահայ գրականության ականավոր գործչի ստեղծագործությունները, որոնք ուղեկցվել են պարերով և բեմականացումներով:
Հակոբ Սիրունին սովորել է Ստամբուլի Եսայան նախակրթարանում, ապա Կեդրոնական վարժարանում՝ այն ավարտելով 1909 թվականին: Դեռ Կեդրոնականում սովորելու տարիներին Սիրունին հիմնել և ղեկավարել է Եսայանի և Կեդրոնականի սաների միությունները, որոնք գործում են մինչ օրս: Դպրոցն ավարտելուց հետո Սիրունին ընդունվել է Պոլսի համալսարանի իրավաբանական ֆակուլտետ: Տարիներ շարունակ գրաբար, ժամանակակից հայերեն և թուրքերեն է դասավանդել Արևելյան Եվրոպայի հետազոտությունների և Բալկանյան ինստիտուտներում: 2012 թվականին հետմահու դարձել է Ռումինիայի ակադեմիայի անդամ:
Ankakh.com