Թուրքիայում հայկական եկեղեցուց երկու պատ է կանգուն մնացել

Էրզրումի Օլթիի շրջանում գտնվող Հոշնավազ եկեղեցին տարիներ շարունակ գանձ որոնողների «պեղումների» հետևանքով ավերակի է վերածվել, տեղեկացնում է Demokrat Haber կայքը։
Ամեն տարի գանձ որոնողների գործողությունները «հանդուրժած» պատմական շինություններից մեկը համարվող այս եկեղեցուց երկու պատերն են կանգուն մնացել։
Եշիլբաղլար թաղամասի բնակիչներից մեկը, ով հովիվ է, եկեղեցու մասին իր ունեցած տեղեկություններն է փոխանցել և նշել, թե ինքը տեսել է եկեղեցին կանգուն վիճակում, երբ այն գմբեթ և երեք պատուհան է ունեցել։
«Սակայն հետո գմբեթը փլվեց, գանձ որոնողների թիրախում հայտնվելուց հետո այն ավերվեց։ Չգիտեմ՝ ինչ-որ բան գտան, թե ոչ, սակայն ափսոս էր այս պատմական ժառանգությունը»,-ասել է Ջեմիլ Յըլդըրըմը։
Հովիվը նշում է, որ մինչ այժմ որևէ մեկը կամ որևէ կառույց եկեղեցին տեսնելու չի եկել։ «Դուք՝ լրագրողներդ, առաջին այցելուներն եք»,- ասել է նա։
http://www.tert.am/am/news/2014/05/27/erzrum-church/