Միայն Ստամբուլում մայիսմեկյան ցույցերի ժամանակ շուրջ 100 մարդ է վիրավորվել։ Բախումներ են եղել նաև Թուրքիայի այլ հատվածներում։ Ստամբուլի մի քանի կետերում սկսված ցույցերի ընթացքում ընդհարումներ են եղել իրավապահների հետ։
Վերջիններս մեծ քանակությամբ արցունքաբեր գազ և ջրցան մեքենաներ են օգտագործել ցուցարարների դեմ, գործի են դրվել նաև մահակները։ Բախումների հետևանքով տարբեր աստիճանի վնասվածքներ են ստացել շուրջ 100 ցուցարարներ։
Եվս 150 հոգու թուրք ոստիկանները ձերբակալել են։ Ձերբակալություններ են եղել նաև Թուրքիայի այլ քաղաքներում, մասնավորապես, Անկարայում, որտեղ ևս մայիսմեկյան խոշոր ցույցեր են անցկացվել։
Նշենք, որ ավանդաբար Մայիսի 1-ի տոնակատարությունը Թուրքիայում անցնում է խիստ լարված վիճակում, հաճախ են լինում բախումները ցուցարարների և ոստիկանների միջև։
Աղբյուր՝ Թուրքագիտական պորտալ
AllTurkey.am
Leave a Reply