Թուրքիայի արտգործնախարարը Ղրիմում է

Թուրքիայի արտաքին գործերի նախարար Ահմեթ Դավութօղլուն մեկնել է Ղրիմ, որտեղ լարված իրավիճակ է ստեղծվել Ուկրաինայում քաղաքական վերջին դեպքերի հետևանքով, փոխանցում են թուրքական աղբյուրները։ Նա հանդիպումներ կունենա տեղի պաշտոնյաների, ինչպես նաև Ղրիմի թաթարների ներկայացուցիչների հետ։

Դավութօղլուն Ուկրաինա է ժամանել փետրվարի 28-ին և մնալու է այնտեղ մինչ մարտի 1-ը։

Դավութօղլուն նախօրեին հայտարարությամբ էր հանդես եկել՝ նշելով, որ Ղրիմն Ուկրաինայի անբաժանելի մի մասն է, իսկ պաշտոնական Անկարան պաշտպանում է Ուկրաինայի տարածքային ամբողջականությունը։

«Ղրիմը Թուրքիայի համար դեպի Ուկրաինա բացվող դուռն է, այն շատ կարևոր է մեզ համար։ Բացի այդ, մեզ համար կարևոր են Ղրիմի թաթարները, ովքեր մեր ցեղակիցներն են»,-նշել է Թուրքիայի արտգործնախարարը։ Իր խոսքի ավարտին Դավութօղլուն հայտարարել էր, թե պատրաստվում է առաջիկայում այցելել Ղրիմ։

AllTurkey.am